Basi La Abiria Lateketea Kwa Moto Kimara Stop Over Jijini Dar......Mtu mmoja Afariki, 16 Wajeruhiwa

Basi La Abiria Lateketea Kwa Moto Kimara Stop Over Jijini Dar......Mtu mmoja Afariki, 16 Wajeruhiwa


Basi  la abiria kutoka mkoani Dodoma, Safari Njema na lori lenye tela lililokuwa limebeba mifuko ya saruji, yameteketea kwa moto na kusababisha kifo cha mtu na msongamano wa magari kwenye Barabara Kuu ya Dar – Morogoro. Magari hayo yameungua baada ya kugongana jana mchana.

Ajali hiyo ilitokea saa nane mchana.baada ya lori kupoteza mwelekeo na kuligonga basi ambalo lilijaribu kulikwepa, lakini likagongwa ubavuni na kusababisha mlipuko na kuwaka moto magari yote mawili.

Basi hilo lina namba za usajili T 990 AQF wakati lori liliteketea kabisa kichwa chake, lakini tela lake lenye namba za usajili T 534 BYJ limebaki.

Ajali hiyo ilitokea katika eneo la Garage, Kimara kati ya Suka na Stop Over wilaya mpya ya Ubungo katika Barabara Kuu ya Dar – Morogoro, na kusababisha kifo cha mtu mmoja ambaye ameungua moto kiasi cha kutotambulika.

Watoto watano na wadada wanne wameripotiwa kuokolewa dakika 15 baada ya magari hayo kuwaka moto, huku abiria wengine wa basi hilo wakiruka kwa nia ya kuokoa maisha yao katika ajali hiyo mbaya.

Hadi jana saa 12.30 jioni, bado magari hayo yalikuwa eneo la ajali na kulikuwa na msururu mrefu wa magari kutoka eneo la Mbezi kwenda jijini Dar es Salaam pamoja na kutoka jijini Dar es Salaam kwenda nje ya Jiji na mikoani na abiria walikuwa wakitembea kwa miguu.

Wakati huo askari wa trafiki ndio walifika eneo la tukio.

Akizungumza katika eneo la ajali jana saa 12.45 jioni, Kamanda wa Polisi Mkoa wa Kinondoni, Kamishna Msaidizi wa Polisi, Suzan Kaganda alithibitisha kifo cha mtu mmoja ambaye anaelezwa kuwa ni mtoto, na amehifadhiwa katika Hospitali ya Taifa ya Muhimbili kwa utambuzi zaidi.

Kamanda Kaganda alieleza kuwa ajali hiyo imesababisha majeruhi 16 ambao kati yao, 10 hali zao ni mbaya na wamelazwa Hospitali ya Taifa ya Muhimbili wakati sita waliruhusiwa kurejea makwao baada ya kutibiwa kwani walipata mshtuko tu..

Share:

Read More

Bodi ya Mikopo ya Elimu ya Juu Yatoa Siku 90 Kwa Waliokosa Mikopo Kukata Rufaa

Bodi ya Mikopo ya Elimu ya Juu Yatoa Siku 90 Kwa Waliokosa Mikopo Kukata Rufaa



Bodi ya Mikopo ya Wanafunzi wa Elimu ya Juu (HESLB) imetangaza siku 90 kuanzia leo (Jumatatu, Oktoba 31, 2016) kwa waombaji wa mikopo kwa mwaka wa masomo 2016/2017 kukata rufaa kwa njia ya mtandao ikiwa hawajaridhsihwa na matokeo ya upangaji uliotangazwa hivi karibuni.

Serikali imetenga Tshs 483 bilioni kwa ajili ya kutoa mikopo kwa jumla wanafunzi 119,012 – kati yao, wanafunzi 93,295 ni wanaondelea na masomo na wanafunzi 25,717 ni wa mwaka wa kwanza. Hadi sasa, jumla ya wanafunzi 20,183 wa mwaka wa kwanza wameshapata mikopo.

Kwa mujibu wa taarifa iliyotolewa leo (Jumatatu, Oktoba 31, 2016) na Mkurugenzi Mtendaji wa HESLB Bw. Abdul-Razaq Badru, Bodi imeanza kupokea rufaa hizo kwa njia ya mtandao (Online Loan Application and Management System) kuanzia leo (Oktoba 31, 2016) hadi Januari 31, 2017.

“Wanachotakiwa kufanya wanafunzi ni kuingia katika mtandao wetu wa http://olas.heslb.go.tz na kujaza fomu, kuichapa na kuiwasilisha kwa Afisa Mikopo wa chuo chake ambaye atawasilisha kwetu fomu zote za chuo chake kwa barua kwa ajili ya sisi kuzifanyia kazi,” amesema Bw. Badru.

ANGALIZO: Ada ya Maombi ya Tshs 10,000/- iliyopaswa kulipwa na waombaji mikopo kwa MPesa kwa ajili ya malipo ya Rufaa (HESLB) imefutwa.Taratibu nyingine zinabaki palepale

Share:

Read More

Taarifa kutoka Ikulu Kuhusu Siku ya kwanza ya ziara ya Rais Magufuli nchini Kenya

Taarifa kutoka Ikulu Kuhusu Siku ya kwanza ya ziara ya Rais Magufuli nchini Kenya




Rais wa Jamhuri ya Muungano wa Tanzania Dkt. John Pombe Magufuli amesema Kenya ni nchi inayoongoza kwa uwekezaji nchini Tanzania ikilinganishwa na nchi nyingine za Bara la Afrika.

Rais Magufuli amesema hayo leo tarehe 31 Oktoba, 2016 katika mkutano na waandishi wa habari uliofanyika katika Ikulu ya Nairobi nchini Kenya ambako ameanza ziara ya Kiserikali ya siku mbili kwa mwaliko wa Rais wa Jamhuri ya Kenya Mhe. Uhuru Kenyatta.

Rais Magufuli ambaye kabla ya Mkutano huo na waandishi wa habari amepokelewa rasmi kwa kupigiwa mizinga 21 na kukagua gwaride rasmi lililoandaliwa kwa heshima yake na baadaye kufanya mazungumzo rasmi na mwenyeji wake Rais Uhuru Kenyatta, amesema takwimu za kituo cha uwekezaji Tanzania (TIC) zinaonesha kuwa Kenya ina jumla ya kampuni 529 zinazoendesha shughuli zake nchini Tanzania ambapo zimewekeza Dola za Marekani Bilioni 1.7 na zimeajiri watu 56,260.

Pia, Rais Magufuli amebainisha kuwa biashara kati ya Tanzania na Kenya imeongezeka kutoka Shilingi za Kitanzania Bilioni 652.9 hadi Shilingi za Kitanzania Trilioni 2.044.

“Naomba niwahakikishie kuwa uhusiano na ushirikiano wetu ni mzuri na utaendelea kuwa mzuri zaidi, na kwetu sisi Tanzania, Kenya ndio nchi ya kwanza kwa uwekezaji kuliko nchi zote za Afrika.

“Tunashirikiana vizuri katika uchumi, watu wetu wanafanya kazi pamoja, yapo makabila yetu ambayo yanaingiliana kwa shughuli zao za kila siku na hata wanyamapori wetu wanazunguka katika nchi zote mbili bila kujali mipaka” amesema Rais Magufuli.

Dkt. Magufuli amesisitiza kuwa Serikali yake itaendeleza na kuimarisha zaidi uhusiano na Kenya ulioasisiwa na Rais wa Kwanza wa Tanzania Hayati Mwalimu Julius Kambarage Nyerere na Rais wa Kwanza wa Kenya Hayati Mzee Jomo Kenyatta na amewakaribisha wafanyabiashara wengi zaidi wa Kenya kuwekeza nchini Tanzania.

“Kabla ya kuja hapa nimekwenda kutoa heshima katika kaburi la Mzee Jomo Kenyatta, kwa kweli nimeguswa sana na kazi kubwa iliyofanywa na wazee wetu, naomba niwahakikishie kuwa tunawathamini sana ndugu zetu Wakenya na tutaendelea kufanya hivyo” amesisitiza Dkt. Magufuli.

Kwa upande wake Rais wa Jamhuri ya Kenya Mhe. Uhuru Kenyatta amemshukuru Rais Magufuli kwa kukubali mwaliko wake na amemhakikishia kuwa Kenya itaendeleza na kuimarisha zaidi uhusiano na ushirikiano na Tanzania.

“Kwetu sisi Tanzania ni ndugu zetu, ni kaka na dada zetu tunao ushirikiano wa siku nyingi na wa kidugu na tutahakikisha tunauendeleza ushirikiano na uhusiano huu mzuri ulioasisiwa na wazee wetu” amesema Mhe. Kenyatta.

Rais Kenyatta amesema Tanzania na Kenya ni nchi zinazofanana kwa mambo mengi muhimu ikiwemo kubadilishana uongozi wa Serikali kwa njia ya amani na ameongeza kuwa katika mazungumzo yao wamekubaliana kuwa nchi hizi zitaendelea kuzisaidia nchi nyingine za Afrika Mashariki zinazokabiliwa na matatizo mbalimbali.

Aidha, Rais Kenyatta amesema Kenya itaendelea kushirikiana na Tanzania katika kutekeleza miradi ya ushirikiano ikiwemo ujenzi wa miundombinu kama vile barabara ya Bagamoyo (Tanzania) hadi Malindi (Kenya) pamoja na mambo mengine ambayo Tume ya pamoja ya ushirikiano kati ya nchi hizi mbili (Joint Commission Cooperation) itayaainisha.

Baadaye leo, Rais Magufuli anatarajiwa kuhudhuria dhifa ya kitaifa katika Ikulu ya Nairobi aliyoandaliwa na mwenyeji wake Rais Uhuru Kenyatta na Kesho anatarajiwa kutembelea kiwanda cha maziwa cha  Eldoville kilichopo Karen Jijini Nairobi, na  kuzindua barabara mchepuko ya Southern By-pass iliyopo Jijini Nairobi.

Gerson Msigwa
Mkurugenzi wa Mawasiliano ya Rais, IKULU
Nairobi

31 Oktoba, 2016

Share:

Read More

BONDIA MAARUFU TANZANIA THOMAS MASHALI AFARIKI DUNIA

Bondia maarufu Tanzania Thomas Mashali afariki Dunia


Bondia maarufu wa ngumi za kulipwa nchini, Thomas Mashali amefariki dunia usiku wa kuamkia leo October 31 2016 maeneo ya Kimara DSM,

Taarifa zinadai kuwa alishambuliwa na wananchi baada ya madai ya kuitiwa mwizi.

Taarifa kutoka kwa Promota wake, Siraji Kaike amesema watu aliokuwa anagombana nao walimwitia mwizi na wakawa wamemshambulia na kumtupa baadaye bodaboda waliokuwa wanamjua Thomas Mashali walimuokota na kumpeleka hospitali ambapo baadaye zilitolewa taarifa kuwa amefariki.

Share:

Read More

SIMBA MO? HATUTOKI NG'O HATA MFANYE NINI.....

Simba: MO? Haondoki ng’o hata mfanye nini



 SIMBA wamepata taarifa za serikali kupitia Baraza la Taifa la Michezo Tanzania (BMT) kupiga marufuku mchakato wa mabadiliko ndani ya timu hiyo pamoja na kwa watani zao, Yanga na kuchukua hatua za haraka kuona namna ya kuokoa jahazi.

Bilionea Mohammed Dewji ‘MO’ alitangaza nia ya kuwekeza Sh 20 bilioni klabuni hapo na mchakato wa mabadiliko ya mfumo wa uendeshaji wa klabu hiyo tayari yameanza kutoka mfumo wa wanachama kwenda wa Hisa, lakini BMT imepiga marufuku mabadiliko hayo ya kimfumo jambo ambalo limezua taharuki kubwa Msimbazi.

Katika kufahamu kuwa MO amekuwa mhimili mkubwa ndani ya timu hiyo kwa sasa akitoa fedha katika maeneo kadhaa, Simba imepanga kufanya mambo mawili makubwa ili kuhakikisha bilionea huyo hachepuki na anaendelea kuwapiga tafu kama kawa.

Katibu Mkuu wa Simba, Patrick Kahemele alisema kwanza wanatazama kama kuna uwezekano wa kumpa MO nafasi ya kuwa mdhamini wa timu hiyo kwa wakati huu ambao, wanasubiri kuona mchakato wa mabadiliko unakwendaje.

Pia, wamepanga kukutana na serikali ili kufahamu ni kitu gani wamekosea katika mchakato wao wa mabadiliko huku Kamati ya Utendaji ikipanga kukutana hivi karibuni kuona namna ya kuendelea mbele hasa baada ya tamko la BMT.

“Kwanza wanachama na wapenzi wetu wasipaniki kuwa MO anaweza kuondoka, hapana, MO ni mwanachama wetu na ni mlezi wa timu sasa hivyo hawezi kuondoka,” alisema Kahemele jijini Dar es Salaam, jana. “Tunatazama kitu cha kufanya kwa sasa ila tunaweza kumpa nafasi ya kuwa mdhamini kwa miezi sita ama mwaka mmoja wakati tukitazama huu mchakato unakwendaje.

“Unajua tulisitisha mazungumzo na wadau wengine kutokana na huu mchakato wa mabadiliko, ambao ni muhimu sana.

“Kamati ya Utendaji itakutana kujadili muafaka wa muda mrefu, tutakutana pia na serikali ili kuona ni wapi tunakosea katika mchakato wetu, tunataka watuelekeze, tutakuwa pia na mkutano wa wanachama,” alifafanua mtendaji huyo. “Kuhusu malipo ya mishahara sidhani kama ataacha kutusaidia kulipa kwa sababu amekuwa akitoa fedha hizo kama mkopo, tunatarajia mambo yatakwenda vizuri,” aliongeza Kahemele.

Share:

Read More

SUMAYE ADAI AMEPATA TAARIFA KUTIMULIWA NYUMBANI KWAKE PIA

Sumaye adai Amepata taarifa ya Kutimuliwa Nyumbani kwake pia


Aliyekuwa Waziri Mkuu wa Serikali ya Awamu ya Tatu, Frederick Sumaye amesema kuwa baada ya kutangazwa mchakato wa kunyang’anywa shamba lake la Mwabwepande, amepata taarifa ya kutaka kuondolewa anapoishi pia.

Sumaye ametoa kauli hiyo ikiwa ni siku chache baada ya Waziri Wa Ardhi, Nyumba na Maendeleo ya Makazi, William Lukuvi kueleza kuhusu kuanza rasmi kwa mchakato wa kumnyang’anya mwanasiasa huyo shamba la Mwabwepande kwa madai ya kutoliendeleza kwa muda mrefu.

“Hapa ninapoishi naambiwa kuna maelekezo yametoka juu kuwa sijapaendeleza. Sasa kama sijapaendeleza mbona ninaishi hapahapa,” Sumaye amekaririwa na gazeti la Nipashe.

Aidha Sumaye amesema kuwa ingawa alimsikia Waziri Lukuvi akieleza kuwa tayari wameshampa notisi ya siku 90 kuhusu kunyang’anywa shamba lake la Mwambwepande, hadi jana hajaipata notisi hiyo licha ya kufanya jitihada za kuifuatilia.

Alisema kuwa anashangazwa na uamuzi huo wa Waziri kwani kesi inayolihusu shamba hilo bado inaendelea mahakamani kutokana na uvamizi wa wananchi na kwamba Mahakama imezitaka pande zote mbili kutofanya chochote kwenye ardhi hiyo.

Mwanasiasa huyo ambaye pia ni Mjumbe wa Halmashauri Kuu ya Chadema alisema kuwa anachokifahamu ni kwamba alipokea notisi ya kuondolewa katika shamba lake la Mvomelo kwa madai ya kushindwa kuliendeleza kwa muda mrefu.

“Ninachokijua ninaandamwa kisiasa. Shamba langu la Mvumelo naambiwa sijaliendeleza. Kwenye hilo shamba nimejenga nyumba ya kuishi, ghala, kuna trekta na vifaa vingine. Ninalima mazao na nimefuga zaidi ya ng’ombe 200, nina kondoo 300 na nimechimba visima viwili vya maji halafu serikali inasema sijaliendeleza,” alisema Sumaye.

Alisisitiza kuwa ingawa anaamini anaandamwa kisiasa kwa kunyang’anywa mashamba yake, hatarejea CCM hata akinyang’anywa mashamba yote aliyoanayo.

Sumaye alihama CCM mwaka jana, miezi michache kabla ya kufanyika kwa Uchaguzi Mkuu na kujiunga na harakati za kumpigia kampeni mgombea urais kwa tiketi ya Chadema, Edward Lowassa. Baada ya uchaguzi huo alitangaza kujiunga rasmi na Chadema.

Share:

Read More

MATOKEO YA DALASA LA SABA 2016

Thursday, October 27, 2016
Serikali Yatangaza Matokeo ya Mtihani Darasa la 7......Bofya hapa Kuyaona



Serikali  imetangaza  matokeo  ya  mtihani  wa  darasa  la  7 kwa mwaka 2016  ambapo ufaulu  umeongezeka  kwa asilimia 2.52 na shule iliyoongoza kitaifa ni shule ya Msingi Kwema  ya  mkoani Shinyanga

====>> Bofya  << HAPA>>  Kuyaona matokea

AU 

===> Waweza Bofya  pia  <<HAPA>>  Kuytaona

Share:

Read More

POLISI WAZUIA MKUTANO WA MAALIM SEIF....

Polisi Wazuia Mkutano wa Maalim Seif........Wamlinda Profesa Lipumba


Wakati polisi ikizuia mkutano mkuu maalumu wa CUF uliopangwa kuhudhuriwa na Katibu Mkuu wa chama hicho, Maalim Seif Sharif Hamad mjini Tanga jana, mwenyekiti anayetambuliwa na Msajili wa Vyama vya Siasa, Profesa Ibrahim Lipumba alifanya usafi soko la Buguruni, huku akilindwa na jeshi hilo.

Lipumba alifanya kazi hiyo akitekeleza agizo la Rais John Magufuli la kufanya usafi Jumamosi ya kila mwisho wa mwezi. Msemaji wa CUF, Abdul Kambaya alisema haoni kama ni jambo la ajabu kwa Lipumba kufanya usafi wakati akilindwa.

“Sioni mantiki ya swali hilo, suala la kulindwa Lipumba siyo wa kwanza,” alisema

Mapema jana, polisi mjini Tanga ilizuia mkutano uliopangwa kuhudhuriwa na Maalim Seif ambao ulipaswa kuwajadili madiwani 12 waliopigana wiki iliyopita katika ofisi za chama hicho wilayani humo, baada ya kugawanyika kuhusu uamuzi wa wenzao waliohudhuria baraza la madiwani wa jiji hilo Oktoba 12.

Taarifa ya jeshi hilo ilidai kuzuiwa kwa mkutano huo ni kutokana na tisho la uvunjifu wa amani na kuwapo kwa makundi mawili yanayozozana. Mkutano huo ulipangwa kufanyika katika Hoteli ya Mkonge mjini hapa.

Pia, taarifa iliyotolewa na Mkuu wa Polisi Wilaya ya Tanga, Idd Abdallah ilisema ukumbi ambao mkutano huo ungefanyika ni mdogo kutokana na wingi wa wanachama.

 “Ukumbi uliopangwa kufanyika kwa mkutano huo ni mdogo na ikumbukwe kuwa wiki iliyopita mkutano wa chama hicho ngazi ya wilaya ulivunjika kutokana na vurugu,” alisema

Akizungumzia sakata hilo, Mwenyekiti wa CUF wa wilaya hiyo, Rashid Jumbe alisema hata kama jeshi hilo limezuia mkutano huo, lengo la chama kuwajadili madiwani hao liko palepale.

Alisema kamati ya utendaji imependekeza madiwani saba kati ya 12 wafukuzwe uanachama kutokana na kukiuka msimamo wa chama na watano watabaki chini ya uchunguzi.

“Katika fagio hili mbunge (Mussa Mbaruku) pia yumo kwani naye alishiriki kikamilifu pamoja na naibu meya (Mohamed Aniu), kwa sasa tunafanya utaratibu na jeshi la polisi kutekeleza masharti na vigezo wanavyotaka ili kuufanya mkutano huo tena,” alisema.

Share:

Read More

TANZAGO LA OFFICE

WGM INTERNET CAFÉ.

HUDUMA ZITOLEWAZO KAMA IFUATAVYO:

v HUDUMA YA INTERNET CAFE

v SCANING                         

v KOPOKEA/KUTUMA E-MAIL

v KUANGALIA MATOKEO YA FORM TWO, FOUR, SIX, NA VYUO.

v USAJILI WA VYUO KUPITIA NACTE.

v  KUTENGENEZA CARD ZA HARUSI, SEND OFF, BUSINESS CARD.

v KUFLASH SIMU AINA ZOTE.

v KUTENGENEZA COMPUTER AINA ZOTE

HUDUMA NYINGINE: (WGM COMPUTER TRAINING)

·      MAFUNZO YA COMPUTER(COMPUTER TRAINIG)

KWA PROGRAM: ZOTE KWA GHARAMA NAFUU.

CALL: OFFICE. TEL: +255252800721                                               PHONE:         0768512722.

Share:

Read More