Mtangazaji wa E-FM ‘Bikira wa Kisukuma’ afariki dunia
Mtangazaji wa E-FM ‘Bikira wa Kisukuma’ afariki dunia
Tasnia ya habari nchini imepata pigo kwa kumpoteza mtangazaji maarufu wa kituo cha redio cha E-FM, Seth Katende maarufu kama ‘Bikira wa kisukuma’ aliyefariki jana mchana katika Hospitali ya Taifa ya Muhimbili.
Kituo hicho cha redio kimeeleza kuwa Katende alipoteza maisha baada ya kuugua kwa muda mfupi.
“Kwa masikitiko makubwa E FM inapenda kuwajulisha kuwa mwenzetu Seth Katende maarufu” Bikira wa kisukuma”amefariki dunia katika hospitali ya Taifa ya Muhimbili baada ya kuugua kwa muda mfupi.Seth atakumbukwa sana kwa ucheshi wake kupitia kipindi cha Ubaoni alichokua akiendesha sambamba na Imma Kapanga na Mpoki au “mwarabu wa Dubai”.Msiba upo nyumbani kwa baba yake mzazi Changanyikeni Dar es salaam,” ilieleza taarifa ya E-FM.
Katende alianza kupata umaarufu kupitia mtandao wa Instagram akitumia jina la ‘Bikira wa Kisukuma’ akichambua mada mbalimbali za maisha zilizowagusa wengi hususan vijana.
Umaarufu wa marehemu uliongezeka mara dufu baada ya kuanza kusikika kupitia kipindi cha Ubaoni cha E-FM kutokana na ucheshi wake na jinsi alivyokuwa akiwasilisha mada mbalimbali.
Mkapa Afunguka.....Awataka Watanzania Waache Kulialia na Kulaamika, Adai Huwez Pata Haki bila Kutimiza Wajibu Wako
Mkapa Afunguka.....Awataka Watanzania Waache Kulialia na Kulaamika, Adai Huwez Pata Haki bila Kutimiza Wajibu Wako
Rais Mstaafu wa Awamu ya Tatu, Benjamin Mkapa, amewataka Watanzania, wakiwamo wanasiasa, kuacha kulalamika kwa kukosekana kwa haki, huku akiwataka kujiuliza iwapo wametimiza wajibu wao.
Amesema amekuwa akichukizwa na baadhi ya wanasiasa hapa nchini, ambao kila siku wamekuwa wakilalamika kutaka haki, hali ya kuwa wao hawatimizi wajibu.
Rais huyo mstaafu ametoa kauli hiyo huku kukiwa na malalamiko kutoka kwa baadhi ya viongozi wa upinzani kudai haki ya demokrasia na kupinga kuzuiwa kufanya shughuli zao za kisiasa kupitia mikutano.
Hatua hiyo imekuwa ikizua malalamiko ikiwemo kuwaomba marais wastafu kujitokeza na kumshauri Rais Dk. John Magufuli kutokana na maamuzi yake mbalimbali aliyoyachukua kwa nchi.
Kutokana na hali hiyo, Mkapa amewataka wasomi na wafanyakazi kuendesha midahalo na makongamano ya kuhakikisha nchi inajitegemea badala ya kulalamika kila siku.
Kauli hiyo aliitoa jana wilayani Itilima, mkoani Simiyu, alipokuwa akikabidhi Jengo la Upasuaji (Theater) katika Kituo cha Afya Nkoma, lililojengwa na Taasisi ya Mkapa Foundation kwa gharama ya Sh milioni 270.
Rais huyo mstaafu alisema wanasiasa hao, licha ya kulalamika, lakini hawatimiza wajibu wa kuhakikisha wanafanya kazi ili kuletea nchi maendeleo.
Katika kile kinachoonekana kuchukizwa na hali hiyo, Mkapa alisema kila Mtanzania ana wajibu wa kuhakikisha taifa linajitegemea na kuwaletea wananchi wake maendeleo.
“Kila siku utasikia watu wanadai haki, makongamano, midahalo ya kudai haki, swali la kuwauliza wao je, wametimiza wajibu kama Watanzania… maana hakuna haki bila wajibu, ni lazima kubadilika na kuendesha makongamano ya kuonyesha nchi itajitegemea vipi,” alisema Mkapa.
Rais huyo Mstaafu alisema ili kuweza kujitegemea, ni lazima kila Mtanzania atimize wajibu wa kufanya kazi kama Rais Dk. John Magufuli anavyosema, huku akitoa mfano katika nchi ya Japan ambapo wananchi wake jambo la kwanza ni kufanya kazi.
“Kama tunatarajia mataifa kuja kutuinua wakati sisi tumekaa ni dhana potofu, viongozi tubuni miradi ili tujiendeleze na kujiletea maendeleo sisi wenyewe, kama nchi ya Japan wanavyofanya,” alisema Mkapa.
Aliongeza kuwa, toka utawala wa Baba wa Taifa na sera ya Chama Cha Mapinduzi (CCM), tangu enzi ilikuwa ni ujamaa na kujitegemea, jambo ambalo ameeleza lazima litekelezwe kwa kila mmoja katika kutimiza wajibu kwa nafasi yake.
Akizungumzia jengo hilo, Mkapa aliishukuru Japan, ambao walitoa fedha kwa ajili ya ujenzi wa jengo hilo kupitia Taasisi ya Mkapa Foundation, lengo likiwa ni kupunguza vifo vya akina mama wajawazito na watoto wachanga.
“Nchi yetu bado tunakabiliwa na changamoto ya vifo vya akina mama wajawazito pamoja na watoto wachanga, nchi ya Japan wametoa msaada huo kwa ajili ya kukabiliana na changamoto hii.
“… taasisi ya Mkapa itaendeleza ushirikiano na Serikali katika kutatua changamoto mbalimbali za afya,” alisema.
Baada ya kukabidhi jengo hilo la upasuaji, Rais Mkapa na msafara wake walielekea wilayani Chato
Wananchi Mwanza Wajifungia Ndani Wakiogopa Wahalifu wa Kibiti Waliokimbilia Mwanza..........Polisi Yawatoa Hofu, Yasema Hakuna Mhalifu Atakayesalimika
Wananchi Mwanza Wajifungia Ndani Wakiogopa Wahalifu wa Kibiti Waliokimbilia Mwanza..........Polisi Yawatoa Hofu, Yasema Hakuna Mhalifu Atakayesalimika
Wakati wakazi wa mtaa wa Fumagila Mashariki Kata ya Igoma, Mwanza wakiwa na hofu baada ya watu wawili wanaodhaniwa kuwa majambazi kukimbia juzi, Jeshi la Polisi Mkoa wa Mwanza, limesema linaendesha msako mkali kuwasaka watu hao.
Majambazi hayo yanadaiwa kutoroka Kibiti na kukimbilia Mwanza ambapo juzi majambazi 6 yaliuawa katika mapambano na polisi yaliyodumu kwa masaa mawili.
Hata hivyo Kamanda wa Polisi Mkoa wa Mwanza, Ahmed Msangi ameendelea kuwatoa hofu wakazi hao kuwa hakuna jambo baya litakalotokea kwani polisi wamejipanga vya kutosha na wapo kwenye msako kila kona kuhakikisha kundi lote la uhalifu linatiwa nguvuni.
“Wakazi hao wasiwe na wasiwasi tumejipanga vya kutosha, hakuna kibaya kitakachotokea hilo kundi tumeshapata taarifa zao hivyo tutawasambaratisha wote, kikubwa wananchi waendelee kutoa taarifa na kushirikiana na polisi kwa watu wanaowatilia mashaka.” Amesema.
Katika tukio hilo polisi waliua watu sita, kukamata silaha ya SMG AK47, magazine mbili kila moja ikiwa na risasi 30, risasi 36 za AK 47 ambazo zikuwa nje ya magazine, risasi moja aina ya rafal, risasi nane za shortgun.
Silaha nyingine zilizokamatwa ni bastola nne za kienyeji, sare za jeshi za nchi jirani, kofia sita za kuziba uso, kitambaa cha kichwani, nusu kanzu, nguo mbalimbali za kiume, mabegi matatu yaliyokuwa yakihifadhi silaha hizo, baiskeli mbili, pikipiki moja, unga na dagaa.
Mwenyekiti wa mtaa huo, William Ngemela jana alisema tukio hilo limetoa elimu tosha katika mtaa huo na mitaa jirani huku akidai tangu azaliwe hajawahi kushuhudia tukio kama hilo.
“Hii ni elimu tosha kwasababu haya yote hatukutegemea kama yanaweza kutokea kwenye mtaa kama huu, lakini angalia silaha zote na vitu vilivyokamatwa, kwakweli inatishia amani,” amesema Ngemela.
Mwenyekiti huyo alisema watu hao walikuja mtaani hapo kama waumini wa dini ya kiislamu kumbe walikuwa na mambo yao.
".... lakini hili limekuwa fundisho kwetu, ni wajibu wetu wote kushirikiana, mimi ni mwenyekiti mmoja lakini jamii ninayoingoza ni kubwa inapaswa kutoa taarifa.”
Alisema tangu lilipotokea tukio hilo juzi, baadhi ya wakazi wa eneo hilo hawakutoka nje ya nyumba zao, walijifungia wakiogopa kuwa hao waliokimbia wanaweza kurudi kufanya jambo baya.
Nyumba waliyokuwa wamejificha wahalifu hao ambapo 6 kati yao waliuawa, Wawili wakakimbia
Wiliam Ngeleja arejesha fedha za mgao wa ESCROW alizopokea Disemba 2, 2014.
Wiliam Ngeleja arejesha fedha za mgao wa ESCROW alizopokea Disemba 2, 2014.
Wiki kadhaa baada ya Taasisi ya Kuzuia na Kupambana na Rushwa (Takukuru) kumpandisha kizimbani mfanyabiashara James Rugemalira, Mbunge wa Sengerema William Ngeleja amerudisha fedha alizopokea kutoka kwa mfanyabiashara huyo miaka mitatu iliyopita.
Ngeleja amezungumza na waandishi wa habari leo Jumatatu, Julai 10, na kueleza kuwa fedha hizo zipatazo Sh 40.4 milioni tayari ameshazikabidhi Mamlaka ya Mapato Tanzania (TRA).
Fedha hizo ni sehemu ya Sh 306 bilioni zilizochotwa kwenye akauti ya Tegeta Escrow iliyofunguliwa kwa pamoja na Shirika la Umeme Tanzania (Tanesco) na kampuni ya kufua umeme ya IPTL wakati wakisubiri mzozo wa kimkataba baina yao uliokuwa mahakamani umalizike.
Fedha hizo ziligawiwa kwa wanasiasa akiwamo Ngeleja ambaye aliwahi kuwa Waziri wa Nishati na Madini, majaji, wabunge na viongozi wa dini.
Ngeleja amesema ameamua kuzirudisha fedha hizo baada ya Rugemalira kuhusishwa na kashfa ya akaunti hiyo ya Escrow.
"Nilipokea msaada huo kama wapokeavyo wabunge wengine, ilikuwa ni msaada ambao nilipewa kwa ajili ya jimbo langu bila kujua kwamba Rugemalira baadaye angekuja kuhusishwa na kashfa ya fedha, za akaunti ya Escrow."
"Nimepima na kutafakari na hatimaye nimeamua kwa hiari yangu kurejesha serikalini fedha zote nilizopewa kama msaada bila kujali nilishazilipia kodi ya mapato," amesema.
Amesema ameamua kurudisha fedha hizo hata kama aliyempa msaada bado ni mtuhumiwa.
"Ninarudisha fedha hizi ili kulinda heshima na maslahi mapana ya nchi, chama, Serikali, jimbo langu la Sengerema, familia yangu na heshima yangu mwenyewe,"amesema.
===>
Halima Mdee apelekwa Mahakama ya Kisutu
Halima Mdee apelekwa Mahakama ya Kisutu
Mdee, alikamatwa na Polisi siku sita zilizopita kwa amri ya Mkuu wa Wilaya ya Kinondoni, Ali Hapi kwa madai ya kumkashifu Rais John Magufuli.
Hapi aliagiza Mdee akamatwe na kuwekwa ndani kwa saa 48 kwa makosa hayo pamoja na ya uchochezi.
Waziri Mwakyembe Amtumbua Rasmi Malinzi.....Ni Baada ya Kusitisha Uteuzi wa Mwenyekiti na wajumbe wote wa BMT
Waziri Mwakyembe Amtumbua Rasmi Malinzi.....Ni Baada ya Kusitisha Uteuzi wa Mwenyekiti na wajumbe wote wa BMT
Mwenyekiti wa Baraza la Michezo Tanzania (BMT) , Dionis Malinzi, ambaye ni ndugu na Rais wa Shirikisho la Soka Jamali Malinzi ametumbuliwa leo na Waziri wa Waziri wa Habari, Utamaduni, Sanaa na Michezo Mhe. Dkt Mwakyembe kufuatia agizo la Waziri Mkuu
Waziri Mkuu Kassim Majaliwa alimtaka Waziri Mwakyembe kupitia baraza hilo na kulitathimini hivyo baada ya kulipitia na kutathimini amesitisha uteuzi wa Mwenyekiti wa baraza hilo.
"Kwa mamlaka niliyopewa na sheria ya BMT Na. 12 ya 1967, nimesitisha uteuzi wa Mwenyekiti na wajumbe wote wa BMT" amesema Dkt.Harrison Mwakyembe
Kwa mujibu wa Waziri Mwakyembe amesema kuwa Sekretarieti ya Baraza la Michezo Tanzania litaendelea na kazi kwa kushirikiana na serikali wakati mchakato wa kuteua mwenyekiti mpya wa baraza hilo ukiendelea.
