MAYANGA ANAAMINI TAIFA STARS WATAPAMBANA VILIVYO KUWATULIZA BURUNDI, LEO

Kocha Salum Mayanga, amesema anaamini Taifa Stars watajituma ili kushinda mechi dhidi ya Burundi.

Stars inaivaa Burundi katika mechi ya kirafiki kwenye Uwanja wa Taifa jijini Dar es Salaam, leo.

"Burundi ni timu ngumu, mara nyingi wana wachezaji wenye maumbo madogo lakini wenye vipaji.

"Lengo letu ni kufanya vizuri na wachezaji wanalijua hili. Kilichobaki ni kukumbushana na kuhimizana lakini tunachotaka ni kufanya vizuri," alisema.

Tayari Stars imeshinda mechi yake ya kwanza ya kirafiki chini ya Mayanga kwa kuichapa Botswana, Jumamosi iliyopita.

Share:

Read More

MAYANJA AMPUMZISHA SAMATTA, AMBA NAFASI FARID MUSSA

1. Deo Munishi

2. Shomari Kapombe

3. Mohamed Hussein

4. Abdi Banda

5. Salim mbonde

6. Himid Mao

7. Simon Msuva

8. Mzamiru Yassin

9. Farid Mussa

10. Abubakary Salum

11. Ibrahim Ajib

28Mar2017

Share:

Read More

Goal inakuletea mambo manne tuliyojifunza Tanzania na Botswana

Timu ya Tanzania, Taifa Stars chini ya mwalimu mpya Salumu Mayanga wamefanimiwa kuibuka na ushindi wa goli mbili kwa bila dhidi ya Botswana kwenye mechi ya kirafiki.

Tanzania ambao ndiyo walikuwa wenyeji kwenye mchezo huo, ili wachukua dakika mbili tu za kipindi cha kwanza kupata goli lililofungwa na nyota wa Genk Mbwana Samatta.

Kwa muda mwingi wa mchezo, stars walionekana kuwazidi Botswana karibu kila idara uwanjani na walifanikiwa kutengeneza nafasi nyingi ambazo hawa kuzitumia vizuri huku Samatta na Msuva wakikosa nafasi mbili za wazi.

Wakati mpira ukielekea kumalizika, Samatta aliwatungua tena Wabotswana hao kwa mpira wa adhabu ndogo ambao ulizama moja kwa moja.

Goal inakuletea mambo manne tuliyojifunza Tanzania na Botswana.

1. Kuna kazi kubwa ya stars kufuzu CHAN mwakani Kenya

Kikosi cha taifa stars chini ya Mayanga, kwa asilimia kubwa bado kina tegemea nguvu ya Mbwana Samatta kwenye eneo la ushambuliaji hivyo kukosekana kwake Samatta kwenye CHAN kuna uwezekano wakukipa wakati mgumu kikosi cha stars kufuzu mbele ya timu ngumu kama Rwanda na Uganda.

2.Kombinesheni ya Banda na Nyoni itatugharimu  kwenye mechi za mashindano

Nyota hao wameonekana kutokuelewana kwa muda mwingi wa mchezo kwa kuingiliana majukumu uwanjani, licha ya Botswana kufanya mashambulizi machache lakini walifanikiwa kupenya ngome kirahisi kilicho waangusha ni umaliziaji mbovu, nafasi ya beki wa Mtibwa Salim Mbonde ni kubwa ndani ya kikosi cha Mayanga, anastahili kuanza badala ya Nyoni.

3.Mbwana Samatta ameonesha utofauti wake na wengine kikosini

Ili kupiga hatua kisoka nchini inabidi idadi ya wachezaji wanao sakata kabumbu nje ya nchini iongezeke, katika mchezo dhidi ya Botswana tumeona utofauti wa Samatta na wengine kuanzia kwenye kupokea mipira, kutengeneza nafasi na kutumia nafasi vizuri.

4.Botswana haikuwa timu ya kuipa upinzani mkubwa taifa stars

Kama baadhi ya wachezaji wa Tanzania wangetumia vizuri nafasi zao, kulikuwa na uwezekano wa kuibuka na ushindi wa zaidi ya goli 5 Wabotswana wali zidiwa na kuaonekana ni timu ya kawaida ambayo ilishindwa kuleta upinzani mkubwa kwa stars.

Share:

Read More

Habari Zikizopo Katika Magazeti ya Leo Jumapili a March 26

Habari Zikizopo Katika Magazeti ya Leo Jumapili a March 26

Share:

Read More

Nay wa Mitego akamatwa na polisi Morogoro..... ni kutokana na wimbo wake unaoikosoa serikali

Nay wa Mitego akamatwa na polisi Morogoro..... ni kutokana na wimbo wake unaoikosoa serikali

Mwanamuziki  Emmanuel Elibariki maarufu Nay wa Mitego amekamatwa na Polisi leo asubuhi mkoani Morogoro na kupelekwa katika Kituo cha Polisi Mvomero mkoani humo.

Nay wa Mitego amekamatwa akiwa hotelini Morogoro baada ya kuamaliza shughuli zake zilizompeleka ambapo alitakiwa kuongozana na polisi hao hadi kituo cha polisi.

“Nimekamatwa kweli. Muda Huu nikiwa hotel Morogoro baada ya kumaliza Kazi yangu iliyo ni leta. Napelekwa Mvomelo Police. Nawapenda Watanzania wote. ✊🏿✊🏿 #Truth #Wapo.” Ameandika Nay wa Mitego kupitia ukurasa wake wa Instagram.

Licha ya kuwa mwanamuziki huyo hajaeleza sababu ya kukamatwa kwake, au Jeshi la Polisi kutoa taarifa, lakini inaaminika kuwa sababu kubwa ni wimbo wake alioutoa siku za hivi karibuni unaokwenda kwa jina la Wapo.

Wimbo huo umezungumzia mambo mengi hasa ya kisiasa yanayoendelea nchini kwa sasa ikiwa ni pamoja na tuhuma zinazomkabili Mkuu wa Mkoa wa Dar es Salaam, Paul Makonda, uhuru wa vyombo vya habari na  masuala ya sanaa.

Share:

Read More

Maalim Seif azipiga kufuli akaunti za CUF, Lipumba Alalamika

Maalim Seif azipiga kufuli akaunti za CUF, Lipumba Alalamika

Mwenyekiti wa CUF anayetambuliwa na Ofisi ya Msajili wa Vyama Siasa, Prof. Ibrahim Lipumba amelalamikia kitendo cha Katibu Mkuu wa chama hicho, Maalim Seif Sharrif Hamad kuzifunga  akaunti zote za chama hicho za wilaya.

 

Ameyasema hayo wakati wa kikao cha baraza la uongozi linaloongozwa na upande wake. Profesa Lipumba amesema kutokana na uamuzi huo ruzuku ya chama kutoka serikalini wameikosa.

 

“Wajumbe nawashukuru kwa kuja ili kupata fursa ya kujenga chama. Chama chetu kipo ndani ya mtihani ambao kwa kweli chanzo chake ni Katibu Mkuu wetu kutoheshimu katiba yetu na kutoheshimu taratibu za kidemokrasia,” amesema Prof. Lipumba.

 

Aidha, Prof. Lipumba amesema kuwa Maalim Seif alitakiwa kuhudhuria kikao hicho na alipewa taarifa lakini hakuweza kufika, hali iliyosababisha majukumu yake kusimamiwa na Naibu Katibu Mkuu wa CUF Tanzania Bara. Magdalena Sakaaya.

 

Kwa upande wake, Naibu Katibu Mkuu wa CUF (Zanzibar), Nassor Mazrui amesema kuwa hatua ya kufunga akaunti za benki imelenga kulinda fedha ya chama ili zisitumiwe vibaya na upande wa Profesa Lipumba.

 

Hata hivyo, Msajili wa Vyama vya Siasa bado anamtambua Prof. Lipumba kuwa ni Mwenyekiti wa chama hicho kwa kuwa hakuwa na taarifa kuhusu uamuzi wake wa kujiuzulu.

Share:

Read More

Jeshi la Polisi Morogoro latoa sababu kukamatwa kwa Nay wa Mitego

Jeshi la Polisi Morogoro latoa sababu kukamatwa kwa Nay wa Mitego

Kamishna Msaidizi Mwandamizi wa Jeshi la Polisi Mkoani Morogoro, Kamanda Ulrich Matei amethibitisha kukamatwa kwa msanii Nay wa Mitego usiku wa kuamkia leo mkoani Morogoro.

Kamanda Ulrich Matei ametoa sababu kubwa ya kukamatwa kwa msanii huyo ni kutokana na kutoa wimbo unaofahamika kwa jina la 'Wapo' ambao anadai unaikashfu Serikali iliyopo maradakani.

Kamanda Matei amesema shauri la Nay wa Mitego lipo jijini Dar es Salaam hivyo msanii huyo atasafirishwa na kupelekwa Dar es Salaam kuhojiwa kwa Mkuu wa Upelelezi wa mkoa.

Share:

Read More

Habari Zilizopo Katika Magazeti ya Leo Ijumaa ya March 24

Habari Zilizopo Katika Magazeti ya Leo Ijumaa ya March 24

Share:

Read More